“Roma”ning sobiq bosh murabbiyi, hozirda klub boshqaruvida ishlayotgan Klaudio Ranyeri Italiya terma jamoasini boshqarish taklifini rad etdi. Bu haqda jurnalist va insayder Nikolo Skira xabar bermoqda.
“Prezident Gravinaga terma jamoaga taklif qilgani uchun minnatdorlik bildiraman. Bu katta sharaf, lekin men bu haqda o’ylab ko’rdim va yangi lavozimda to’liq “Roma” ixtiyorida qolishga qaror qildim”, – deydi Ranyeri.
Eslatib o’tamiz, avvalroq Luchiano Spaletti Italiya terma jamoasi bosh murabbiyligidan iste’foga chiqishi ma’lum bo’lgandi. Mutaxassis 2023-yilning sentyabr oyidan buyon italyanlarni boshqarib kelayotgandi.
