Madridning “Real” klubi bosh murabbiyi Karlo Anchelotti Chempionlar Ligasi pley-off bosqichidan o’rin olgan “Manchester Siti”ga qarshi bahsda qanday taktik sxemadan foydalanishi haqida gapirdi.
Eslatib o’tamiz, “qaymoqrangilar” La Liganing 23-turida o’z maydonida “Atletiko” bilan murosa ko’chasini tanladi (1:1).
“Manchester Siti”ga qarshi o’yin rejasi? O’ylaymanki, bugungi reja amalga oshdi. Biz to’rtta o’yinchidan iborat ikkita chiziq o’rnatdik va bu juda yaxshi ishladi. Men darvozamizga penaltidan boshqa tahdidlarni eslay olmayman”, – deydi Anchelotti.
Ma’lumot uchun, “Real”ning “Manchester Siti”ga qarshi dastlabki o’yini 11-fevral kuni, javob uchrashuvi esa 19-fevral kuni bo’lib o’tadi.
