Ispaniya chempionati hakamlar texnik qo’mitasi rahbari Luis Medina Kantalyexo La Liganing 22-turidan o’rin olgan “Espanyol” – “Real Madrid” uchrashuvidan so’ng (1:0) hakamlar bilan yig’ilish o’tkazdi. Bu haqda AS xabar bermoqda.
Manbaga ko’ra, o’yindan so’ng bir qator hakamlar, xususan, uchrashuvning bosh hakami Alexandro Munis Ruis va VAR tizimida ishlagan Iglesias Vilyanueva qo’pol xatolari sabab vaqtincha diskvalifikatsiya qilindi.
Kantalyexoning so’zlariga ko’ra, “Espanyol” himoyachisi Karlos Romeroning Kilian Mbappega ishlatgan qo’polligi qizil kartochkaga loyiq edi.
Eslatib o’tamiz, Alexandro Munis Ruis “Real”ning qarshi hujumi vaqtida Mbappega ortdan zarba bergan Romeroga sariq kartochka ko’rsatgandi. O’yindan so’ng futbolchining o’zi qo’pol o’yini uchun fransiyalik futbolchidan uzr so’ragandi.
