Myunxenning “Bavariya” klubi Yozua Kimmix bilan yangi shartnoma borasida kelishuvga erishdi. Bu haqda Florian Plottenberg xabar bermoqda.
Manbaga ko’ra, tomonlar o’rtasida tuzilgan yangi bitim 2029-yilga qadar mo’ljallangan.
Qayd etilishicha, Kimmix PSJ’ga o’tish variantini ko’rib chiqqan, biroq nemis futbolchisining asosiy e’tibori myunxenliklar bilan yangi shartnomaga qaratilgan. Yozua tez orada barcha kerakli hujjatlarni imzolashi kutilmoqda.
Ma’lumot uchun, Kimmix joriy mavsum barcha turnirlarda 34 ta o’yinda maydonga tushib, bitta gol urdi va 11 ta golli uzatmani amalga oshirdi.
