Niderlandiyaning “Feyenord” klubi himoyachisi Gernot Trauner Chempionlar ligasi va yevrokuboklar tarixida bir o’yinda ikkita avtogol muallifiga aylangan ilk futbolchi bo’ldi. Bu haqda Opta Sport xabar bermoqda.
UEFA Chempionlar ligasi umumiy bosqichining 8-turida “Feyenord” “Lill” bilan to’qnash keldi va Trauner o’z darvozasini ikki bor ishg’ol qilib qo’ydi. Uchrashuv 6:1 hisobida fransiyaliklar foydasiga hal bo’ldi.
Ma’lumot uchun, “Lill” YChL umumiy jadvalini 7-o’rinda yakunladi. “Feyenord” esa 19-o’ringa joylashdi.
