“Barselona”ning 36 yoshli hujumchisi Robert Levandovski Saudiya klublaridan qiziqish bo’layotgani haqidagi xabarlarga izoh berdi.
Eslatib o’tamiz, avvalroq polshalik futbolchini “Al-Nasr” va “Al-Hilol” jiddiy kuzatib borayotgani haqida ma’lumotlar tarqalgandi.
“Men hozir ham klubda, ham muxlislar ichida o’zimni yaxshi his qilyapman. Men baxtliman va faoliyatimni davom ettirish uchun boshqa jamoalarni ko’rib chiqmayapman”, – deydi Levandovski.
Ma’lumot uchun, Levandovski joriy mavsum barcha turnirlarda 30 ta o’yin o’tkazib, 29 ta gol urdi va 3 ta golli uzatmani amalga oshirdi. Uning Transfermarkt’dagi narxi 15 million yevroga baholanmoqda.
