Dortmundning “Borussiya” klubi jamoaning yangi bosh murabbiyi bo’lish uchun asosiy nomzodni e’lon qildi. Bu haqda Ruhr Nachritchen xabar bermoqda.
Manbaga ko’ra, klub rahbariyati “Bavariya”ning sobiq bosh murabbiyi Niko Kovach bilan shartnoma imzolamoqchi.
Qayd etilishicha, “Borussiya”da jamoa boshqaruvi uchun bir nechta nomzodlar bor, biroq klub sport direktoriga Kovach varianti ma’qul tushmoqda.
Ayni dam Dortmund klubi rahbariyati xorvatiyalik mutaxassis bilan muzokaralar olib borish uchun Zalsburgga yetib borgan. “Asalari”lar Kovachning tayinlanishini imkon qadar tezroq yakunlamoqchi.
Ma’lumot uchun, Niko Kovachning so’nggi ish joyi “Volfsburg” edi. Mutaxassis bungacha “Monako”, “Bavariya” va “Ayntraxt”ni boshqargan.
