Birinchi yarim yengil vazn toifasida vaqtinchalik WBA kamari sohibi Murodjon Ahmadaliyev Naoya Inouega qarshi ehtimoliy jang haqida fikr bildirdi.
“Men buni har doim aytganman: boksda qoidalar bor. Men u bilan jang qilmoqchiman. Men majburiy da’vogarman. Ikki yo‘nalish bo‘yicha sobiq chempionman. Eng yaxshi janglarni o‘tkazayotgan ham menman.
Bu vazndagi eng yaxshi bokschi — Inoue. Lekin men shunchaki kamarlarni olishni xohlamayman. Negadir bu jang hech qachon bo‘lmaydigandek. Ular meni deyarli ikki yildan beri kuttirishmoqda. U jang qilishni istamasa, men nima ham qila olaman? Men bilan jang qilishga majburlay olmayman. Buyuk chempionlar har doim o‘z kamarlarini himoya qilishgan. 18 oy ichida uchta majburiy himoyani bajardim.
Inouening bahonalarini eshitish juda kulgili. Men u bilan istalgan vaqtda va hamma joyda jang qilishga tayyorman. Las-Vegas, Yaponiya, Saudiya Arabistoniga borishga tayyorman. Men dunyoning eng yaxshi jangchisiga qarshi imkoniyatni qo‘lga kiritish uchun istalgan joyga borishga tayyorman”, – dedi Ahmadaliyev.
Ma’lumot uchun, Ahmadaliyev o’zining so’nggi janggi o’tgan yilning dekabr oyida Rikardo Espinozaga qarshi o’tkazib, 3-raundda raqibini nokautga uchratdi.
