Qozonning “Rubin” klubi yarim himoyachisi Umarali Rahmonaliyev mavsumning ikkinchi yarmini ijara asosida Ozarbayjonning “Sabah” klubida davom ettiradi. Bu haqda “Rubin” matbuot xizmati xabar berdi.
“Umarali Rahmonaliyev 2022-yilning dekabr oyida “Rubin”ga o’tgan va jamoamiz safida 27 ta o’yin o’tkazgan. Omad, Umarali!”, – deyiladi klub bayonotida.
Ma’lumot uchun, Rahmonaliyevning qozonliklar bilan tuzgan amaldagi shartnomasi 2025-yilning dekabrigacha mo’ljallangan. Uning Transfermarkt’dagi narxi 500 ming yevroga baholanmoqda.
