Yarim o’rta vazn toifasida WBA kamari uchun majburiy da’vogar bo’lgan Shahram G’iyosov WBA chempioni Eymantas Stanionis va IBF chempioni Jeyron Ennis o’rtasida 12-aprel kuni bo’lib o’tadigan jangga rozilik berdi.
U bu jangga keyinchalik ushbu jang g’olibi o’zi bilan ringga chiqish sharti evaziga rozi bo’lgan.
The Ring nashri WBA qarorini shunday keltiradi:
“WBA yarim o’rta vazn chempioni Eymantas Stanionisga 12-aprel kuni Altantik-Sitida IBF chempioni Jeyron Ennisga qarshi birlashtiruvchi jang o’tkazish uchun maxsus ruxsatnoma berdi.
WBA qoidalariga muvofiq, Stanionis jamoasi ushbu jang bo’yicha majburiy da’vogar Shahram G’iyosovga murojaat qildi va u bu jangning o’tkazilishiga rozilik berdi”.
WBA qoidalari va qaroriga ko’ra, Stanionis va Ennis o’rtasidagi jang g’olibi 120 kuni ichida G’iyosovga qarshi jang o’tkazishi shart.
Shuningdek, The Ring nashri xabariga ko’ra, Shahram G’iyosov ham 12-aprel kuni Altantik-Sitida tashkil etiladigan boks oqshomida ringga ko’tariladi.
