O’tgan mavsumni “Neftchi” safida o’tkazgan Husayn Norchayev Qarshining “Nasaf” klubiga qaytdi. Bu haqda “ajdarlar” matbuot xizmati xabar berdi.
“Husayn Norchayev o‘z uyiga qaytdi!
Mamnuniyat bilan shuni e’lon qilamizki, hujum chizig‘imiz yana-da kuchaymoqda! O‘z akademiyamizdan yetishib chiqqan Husayn Norchayev yana biz bilan birga! Gollar, paslar, g‘alabalar kutib qolamiz! Jonajon Nasafimizga xush kelding, Husaynjon”, – deyiladi xabarda.
Eslatib o’tamiz, avvalroq Norchayev Portugaliyaning “Braga” klubiga o’tishi xabar qilingandi. Biroq viza ololmagani sabab ushbu transfer barbod bo’lgandi.
