Rossiya kubogi ikkinchi turida SSKA o’z maydonida “Nijniy Novgorod”ni qabul qildi va penaltilar seriyasida g’alaba qozondi (1:1, pen. 4:2).
Ushbu bahsda hamyurtimiz Abbosbek Fayzullayev asosiy tarkibda maydonga tushdi va 87-daqiqada zahiraga olindi.
Uchrashuv yakunlangandan so’ng Fayzullayev o’yin borasida o’z fikrlarini bildirib o’tdi.
“Agar futbolchi gol ursa, demak, jamoa yaxshi. Kim ekanligi muhim emas. Asosiysi, g’alaba qozonish.
Menda har bir uchrashuvda ko’proq gol urish uchun yetarlicha motivatsiya bor. Men endigina jamoaga qaytdim. Asta-sekin formaga tushyapman. Umid qilamanki, tez orada o’zimning eng yaxshi o’yinimni ko’rsataman va gollar uraman”, – deydi Abbosbek Fayzullayev.
