Britaniyalik promouter Eddi Xirn fikricha, ikkinchi yengil vazn toifasida mutlaq jahon chempioni Naoya Inoue Murodjon Ahmadaliyevga qarshi majburiy himoyani o’tkazishni istamagani uchun WBA chempionlik kamaridan mahrum qilinishi kerak.
“Naoya Inoue Murodjon Ahmadaliyevdan qochyapti. U bilan ikki marta jang qilishi kerak edi, biroq u Doheny va Kimga qarshi ringga chiqdi.
WBA Inouega yuzlanib: “Yetar, Ahmadaliyev bilan jang qilishing kerak, aks holda chempionlik unvoni sendan tortib olinadi”, deyishi kerak”, – deydi Xirn.
Eslatib o’tamiz, Ahmadaliyev o’zining so’nggi janggini o’tgan yilning dekabr oyida Rikardo Espinozaga qarshi o’tkazgan va 3-raundda raqibini nokautga uchratgan.
