“Manchester Siti” himoyachisi Abduqodir Husanov Angliya Premyer-ligasidagi ilk debyutantlar orasida statistik antirekord o’rnatdi. Bu haqda The New York Times xabar berdi.
APL’ning 23-turidan o’rin olgan bahsda Husanov “shaharliklar” safida o’z debyutini o’tkazdi. “Chelsi”ga qarshi maydonga tushgan hamyurtimiz raqibning 3-daqiqadagi goliga sababchi bo’lib qoldi.
Shunisi yetmagandek, Abduqodir 4-daqiqada Palmerga ishlatgan qo’polligi uchun sariq kartochka bilan ham jazolandi. Shu tariqa, Husanov APL’da eng tez sariq kartochka olgan debyutant sifatida tarixda qoldi.
Ma’lumot uchun, bundan avvalgi antirekord 2018-yilda “Kardiff Siti” futbolchisi Li Paltier tomonidan qayd etilgandi.
