Rimning “Roma” klubi kelasi mavsumdan boshlab jamoani boshqarish uchun “Atalanta” murabbiyi Jan Pyer Gasperinini taklif qilmoqchi. Bu haqda La Gazzette dello Sport xabar berdi.
Manbaga ko’ra, italiyalik mutaxassis to’qqiz yildan so’ng “Atalanta”ni tark etishga va poytaxtga ko’chib o’tishga tayyor.
Qayd etilishicha, Gasperinining nomzodini Klaudio Ranyeri va Frindkinlar oilasi ham ma’qullagan. Tomonlar hozirda uzoq muddatli loyiha bo’yicha muzokaralar olib bormoqda.
Eslatib o’tamiz, “Roma” A Seriyaning 29-turidan so’ng 49 ochko jamg’argan holda turnir jadvalida 7-o’rinda bormoqda.
