“Manchester Yunayted” vingeri Markus Reshford yiliga 35 million funt sterling maosh taklif qilgan Saudiyaning nomi oshkor qilinmagan klubiga o’tishdan bosh tortdi. Bu haqda Caught Offside xabar bermoqda.
Manbaga ko’ra, saudiyaliklar taklif qilayotgan maosh Reshfordning hozirda “Manchester Yunayted”da olayotganidan ikki baravar ko’p.
Ma’lumot uchun, Markus joriy mavsum barcha turnirlarda 24 ta o’yinda maydonga tushib, 7 ta gol urdi va 3 ta golli uzatmani amalga oshirdi. Uning Transfermarkt’dagi narxi 55 million yevroga baholanmoqda.
