Angliya Premyer-ligasining 23-turida “Manchester Siti” o’z maydonida “Chelsi”ni qabul qildi va 3:1 hisobida g’alaba qozondi.
O’yindan so’ng “shaharliklar”ning norvegiyalik hujumchisi Erling Holand Abduqodir Husanovning debyuti haqida fikr bildirdi.
“Husanov — ishonchli markaziy himoyachi. Bu uning ilk uchrashuvi edi. Asabiylashish, hayajon bunday vaziyatlarda normal holat.
Men ham o‘zimning ilk oʻyinim, Angliya Superkubogida “Liverpul”ga qarshi maydonga tushgandimda bu tajribani boshimdan oʻtkazganmanm. Yana bir-ikkita o‘yin bering, uning nimalarga qodir ekanini ko‘rasiz”, – deydi Holand.
Eslatib o’tamiz, Abduqodir Husanov 20-yanvar kuni rasman “Man. Siti” futbolchisi sifatida tanishtirilgandi. Uning amaldagi shartnomasi 2029-yilning yoziga qadar amal qiladi.
