Londonning “Arsenal” klubi “Yuventus” hujumchisi Dushan Vlahovichga qiziqish bildirmoqda va uni sotib olish variantlarini ko’rib chiqmoqda. Bu haqda jurnalist Ekrem Qo’nur xabar berdi.
Manbaga ko’ra, “kanonirlar” markaziy hujum chizig’ini mustahkamlashga qaror qilgan. Ma’lum bo’lishicha, Vlahovichning nomzodi bilan “to’pchilar” bosh murabbiyi Mikel Artetaning shaxsan o’zi qiziqmoqda.
Ma’lumot uchun, Vlahovich joriy mavsum barcha turnirlarda 18 ta o’yinda maydonga tushib, 10 ta gol urdi va 2 ta golli uzatmani amalga oshirdi. Uning Transfermarkt’dagi narxi 65 million yevroga baholanmoqda.
