Turkiyaning “Galatasaroy” klubi hujumchisi Viktor Osimhen tungi ko’ngilochar maskandan chiqayotganida uni suratga olgan jurnalistlarga hujum qilgan. Bu haqda Posta nashri muxbiri Tolgu Bozduman xabar bermoqda.
“Biz uch hamkasbimiz bilan birga birga Osimhenga chiqish joyida duch keldik. Suratga ola boshlaganimizda esa go‘yoki apokalipsis boshlangandek bo‘ldi.
U kamerani tortib olishga urinib, menga baqirib tashlandi, lekin men qarshilik qildim.U boshimga zarba berdi. Hozir ham boshimning o‘ng tomoni og‘riydi.
Keyin u bizni haqorat qila boshladi. Shundan so‘ng, Osimhen: “Suratlarni o‘chir, men senga pul beraman”, deb taklif qildi. Men rad javobini berganimdan so‘ng u tahdid qildi: “Sizlarni yo‘q qilaman”.
Ma’lumot uchun, Osimhen o‘tgan yoz “Napoli”dan ijara asosida “Galatasaroy”ga o‘tgandi. Turkiya chempionatida u 14 ta o‘yinda maydonga tushib, 11 ta gol urgan va 4 ta golli uzatmani amalga oshirgan. Transfermarkt futbolchining bozor qiymatini 75 million yevroga baholagan.
