UEFA Chempionlar ligasi umumiy bosqichining 7-turidan o’rin olgan PSJ – “Manchester Siti” uchrashuvi oldidan matbuot anjumanida qatnashgan “shaharliklar” bosh murabbiyi Pep Gvardiola jamoaga qo’shilgan yangi futbolchilar haqida fikr bildirdi.
“Tarkibimizga qo’shilgan o’yinchilarga “Siti” oilasiga xush kelibsiz deyman. Ularning jamoaga qo’shilganidan mamnunman. Ular yosh o’yinchilar, ko’p yillar davomida jamoamizda bo’lishlari reja qilingan.
Husanov Fransiyada o’ynagan. U ajoyib jismoniy ko’rsatkichlarga ega va umid qilamizki, ingliz tilini iloji boricha tezroq o’rganadi. Reys esa ajoyib yosh braziliyalik futbolchi.
Ular Chempionlar Ligasida 1/8 final bosqichiga chiqqanimizdan keyin yordam bera olishadi. APL’da esa ular hozirdan o’ynash imkoniga ega”, – deydi Gvardiola.
