UEFA sobiq prezidenti Mishel Platini Madridning “Real” klubi hujumchisi Kilian Mbappening o’yinidagi pasayish haqida gapirdi.
25 yoshli fransiyalik forvard o’zining so’nggi 9 ta o’yinida 2 ta gol urdi. Chempionlar ligasi doirasidagi “Liverpul”ga qarshi o’yinda esa penaltini aniq amalga oshira olmadi.
“U menga maydonda adashib qolgandek tuyuldi. Buyuk chempion har safar oyoqqa tura olishi kerak. Bu Kilian uchun ajoyib qaytish bo’ladi”, – deydi Platini.
Ma’lumot uchun, Mbappening “Qirollik klubi” bilan tuzgan amaldagi shartnomasi 2029-yilning yoziga qadar mo’ljallangan. Uning Transfermarkt’dagi narxi 180 million yevroga baholanmoqda.
