Yengil vazn toifasida Octagon MMA Ligasi chempioni Doston Bozorov 23-fevral kuni Qozog’istonning Olma-Ota shahrida bo’lib o’tadigan Octagon 70 turnirida o’z kamarini o’zbekistonlik Mavlonbek Mirkomilovdan himoya qiladi.
Mazkur bahs turnirning ikkinchi asosiy janggi etib belgilangan. Markaziy jangda yarim o’rta vazn toifasidagi hamyurtimiz Shohasan Mirzamatov divizionning amaldagi chempioni Georgiy Kichigin bilan to’qnash keladi.
Ma’lumot uchun, Doston Bozorov professional MMA’da 12 ta jang o’tkazib, 11 ta g’alaba va bitta mag’lubiyat qayd etgan. Mavlonbek Mirkomilov hisobida esa 9 ta g’alaba va 2 ta mag’lubiyat mavjud.
