Italiya A Seriyasining 21-turidan o’rin olgan bahsda “Roma” va “Jenoa” o’zaro to’qnash keldi va yakunda rimliklar 3:1 hisobida g’alaba qozondi.
25-daqiqada “Roma” hujumchisi Artem Dovbik hisobni ochdi. 33-daqiqada “Jenoa” yarim himoyachisi Patrizio Masini muvozanatni tikladi.
60-daqiqada Stefan El-Sharavi “bo’rilar”ni hisobda oldinga olib chiqdi. Ikkinchi bo’lim o’rtalarida esa genuyaliklar darvozaboni Nikola Leali avtogol muallifiga aylandi.
Hamyurtimiz Eldor Shomurodov esa uchrashuvning 85-daqiqasida Artem Dovbik o’rniga zahiradan maydonga tushdi.
Ma’lumot uchun, “Roma” ushbu g’alabadan so’ng ochkolari hisobini 27 taga yetkazib oldi va turnir jadvalida 9-o’ringa joylashdi. “Jenoa” esa 23 ochko bilan 11-o’rinda bormoqda.
