Madridning “Real” klubi vingeri Vinisius Junior faoliyatini Saudiyada davom ettirishi mumkin. Bu haqda Sport.es xabar bermoqda.
Manbaga ko’ra, 24 yoshli futbolchining vakillari Saudiya klublari bilan aloqalarni davom ettirmoqda.
Ta’kidlanishicha, vinger kelasi yozda Saudiya jamoalaridan biriga o’tishi mumkin. Uning Ispaniyada vaqti-vaqti bilan irqchilikka uchrayotgani “Real”ni tark etishga asosiy sabablardan biri ekanligi aytilmoqda.
Ma’lumot uchun, Vinisius joriy mavsum barcha turnirlarda 25 ta o’yin o’tkazib, 14 ta gol urdi va 10 ta golli uzatmani amalga oshirdi. Uning Transfermarkt’dagi narxi 200 million yevroga baholanmoqda.
