“Barselona” va PSJ klublarining sobiq hujumchisi, hozirda “Al-Hilol” safida harakat qilayotgan Neymar nega “Oltin to’p”ni qo’lga kirita olmagani haqida gapirdi.
“O’tmishga nazar tashlab, jarohatlar tufayli omadim yo’qligi haqida o’ylayman. Yetti yil davomida men turli xil jarohatlar oldim. Ular juda jiddiy edi va meni sport formamni yo’qotishimga sabab bo’ldi. Bu meni eng ko’p qayg’uga solgan holat.
O’ylab ko’rsangiz, mening eng gullagan davrim PSJ’da bo’lgan. U yerdagi o’yinim orqali “Oltin to’p”ni qo’lga kiritgan bo’lardim. Ammo bu jarohatlar meni orqaga tortdi”, – deydi Neymar.
Eslatib o’tamiz, Neymar 2023-yilning yozidan beri “Al-Hilol”da o’ynab kelmoqda. Uning saudiyaliklar bilan tuzgan amaldagi shartnomasi 2025-yilning yozida yakuniga yetadi.
