UEFA PSJ’ning Kilian Mbappe oldidagi qarzdorligi bo’yicha ishni ko’rib chiqishdan bosh tortdi. Bu haqda L’Équipe xabar bermoqda.
Manbaga ko’ra, tashkilot barcha kerakli hujjatlarni olmagan.
Eslatib o’tamiz, avvalroq parijliklar “Klublarni litsenziyalash va moliyaviy barqarorlik to’g’risida”gi reglamentni buzganligi sababli UEFA tomonidan sanksiyalarga duchor bo’lishi mumkinligi haqida xabarlar paydo bo’lgandi.
Unga ko’ra, yevrokubok turnirlarida ishtirok etuvchi klublarda hech qanday qarzdorlik bo’lmasligi kerak.
Ma’lumot uchun, Mbappe o’tgan yozdan beri “Real” safida to’p surmoqda. 26 yoshli hujumchi joriy mavsum barcha turnirlarda 27 ta o’yinda maydonga tushib, 14 ta gol urdi va 3 ta golli uzatmani amalga oshirdi.
