Yengil vazn toifasida UFC jangchisi Arman Sarukyan UFC 311 turnirida divizionning amaldagi chempioni Islam Maxachevga qarshi jangda g’alaba qozonsa, Merab Dvalishvili bilan raqsga tushishini aytdi.
“Men yaxshi raqsga tusha olmayman. Ammo g’alaba qozonsam, albatta, raqsga tushaman”, – deydi Sarukyan.
Ma’lumot uchun, Sarukyan professional MMA’da 25 ta jang o’tkazib, ularning 22 tasida g’alaba qozongan. Janglarining 14 tasini muddatidan avval yakunlagan.
Eslatib o’tamiz, Maxachev va Sarukyan o’rtasidagi revansh janggi 19-yanvar kuni Los-Anjelosda tashkil etiladigan UFC 311 turnirida bo’lib o’tadi.
