Og’ir vazn toifasida amaldagi UFC chempioni Jon Jons UFC 309 turnirida Stipe Miochichni nokautga uchratgan zarbasi haqida gapirdi.
“Men taekvondo bo’yicha murabbiyimni alohida ta’kidlab o’tmoqchiman, uning ismi Peyj Bets. Uning Albukerkeda sport zali bor.
Olti oy oldin biz roundhouse zarbasi ustida mashq qilishni boshladik. U mening uyimga haftasiga uch marta kelardi va men bir necha oy davomida haftasiga uch soatdan ushbu pozitsiyada ishladim.
Bryus Li shunday degan edi: “Men 10 ming xil zarbani biladigan odamdan emas, bir zarbani 10 ming marta mashq qilgan odamdan qo’rqaman”. Men ham bu zarba ustida juda ko’p mehnat qildim”, – deydi Jons.
Eslatib o’tamiz, Nyu-Yorkda bo’lib o’tgan UFC 309 turnirida Jon Jons Stipe Miochichga qarshi oktagonga ko’tarildi va 3-raundda nokaut evaziga g’alaba qozondi.
