“Al-Nasr”ning portugaliyalik hujumchisi Krishtianu Ronaldu saudiyaliklar bilan shartnomasini uzaytirganidan so’ng jamoaning aksiyadoriga aylanadi.
Marca xabariga ko’ra, Ronaldu klubning 5 foizlik ulushiga ega bo’ladi.
Eslatib o’tamiz, avvalroq Krishtianu “Al-Nasr” bilan mavsumiga 200 million yevro maosh oladigan yangi shartnoma borasida kelishib olgani haqida xabar berilgandi.
Unga ko’ra, kelishuv 2026-yilning yoziga qadar amal qiladi. Tomonlar o’rtasidagi amaldagi shartnoma joriy mavsum oxirida yakuniga yetadi.
Ma’lumot uchun, Ronaldu 2023-yilning yanvar oyidan buyon riyodliklar safida to’p surmoqda. Bu davr ichida u jami 90 ta o’yin o’tkazib, 81 ta golga mualliflik qildi.
