Fransiyaning “Lans” klubi himoyachisi Abduqodir Husanov faoliyatini APL’da davom ettirishi mumkin.
L’Équipe xabariga ko’ra, “Lans” qishki transferlar oynasida Husanovni sotmoqchi. Hozirda hamyurtimizga Yevropaning bir qancha klublari qiziqish bildirmoqda.
Avvalroq “Tottenhem”, “Nyukasl”, “Atletiko” va PSJ singari grand jamoalarning nazariga tushgan Abduqodirga “Manchester Siti” va “Lester Siti” ko’z tika boshladi.
Qayd etilishicha, “Lans” Husanovning salohiyatini yuqori baholaydi va futbolchi uchun kamida 30 million yevro talab qiladi.
Eslatib o’tamiz, Husanov 2023-yilning yozida Belarusning “Energetik-BGU” klubidan “Lans”ga 100 ming yevro evaziga kelib qo’shilgandi. Uning Transfermarkt’dagi narxi ayni dam 12 million yevroga baholanmoqda.
