Toshkentning “Bunyodkor” klubi 17 yoshli markaziy himoyachisi Azizbek To’lqinbekov faoliyatini RPL’da davom ettirishi mumkin. Bu haqda Sport24.ru xabar bermoqda.
Manbaga ko’ra, To’lqinbekovga “Spartak”, SSKA va “Zenit” klublari qiziqish bildirmoqda.
“Ushbu klublardan qiziqishlar bor, lekin hali To’lqinbekov bo’yicha rasmiy takliflar yo’q”, – deydi “Bunyodkor” vakili.
Ma’lumot uchun, 17 yoshli Azizbek “Bunyodkor” klubi tarbiyalanuvchisi hisoblanadi. O’tgan mavsumda u jami 21 ta o’yinda maydonga tushib, bitta golga mualliflik qildi.
To’lqinbekovning “qaldirg’ochlar” bilan tuzgan amaldagi shartnomasi 2026-yil oxirigacha davom etadi. Uning Transfermarkt’dagi narxi 250 ming yevroga baholanmoqda.
