Murodjon Ahmadaliyev bugun tong saharda Monte-Karloda tashkil etilgan boks oqshomida meksikalik Rikardo Espinozaga qarshi ringga ko’tarilib, 3-raundda raqibini nokautga uchratdi.
Jangdan so‘ng u o‘z vaznining mutlaq chempioni yaponiyalik Naoya Inouega murojaat qildi.
“Men g‘alaba qozondim, istalgan payt Inoue bilan jang qilishga tayyorman. Nima uchun jang qilishni istamayapti, shu menga qiziq.
Inoue, nega mendan qochyapsan? Men doim tayyorman. Qoida bor: chempion kamarini himoya qilishi lozim. Men ham kamarimni himoya qilganman.
Agar jangni istamasang, uni vakant qoldir. Men istalgan raqibga qarshi jang qilishga tayyorman. Boshqa yo‘l yo‘q, men o‘z divizionimning zo‘riman. Men u bilan jang qilishni istayman”, – dedi Ahmadaliyev.
