Kataloniyaning “Barselona” klubi “Malaga”ning 18 yoshli hujumchisi Antonio Korderoga qiziqish bildirmoqda. Bu haqda Mundo Deportivo xabar berdi.
Manbaga ko’ra, kataloniyaliklar o’tgan yozda ham Korderoni qo’lga kiritishga harakat qilib ko’rgan, biroq ularning urinishi muvaffaqiyatsiz yakunlangan.
Qayd etilishicha, Kordero akademiyaning eng yaxshi iqtidorlaridan biri sanaladi va uni ko’plab klublar, xususan, “Real” ham kuzatib boradi.
Ma’lumot uchun, 18 yoshli iqtidor egasi joriy mavsum klub safida jami 17 ta o’yinda maydonga tushib, 3 ta gol urdi va 3 ta golli uzatmani amalga oshirdi. Uning Transfermarkt’dagi narxi 2 million yevroni tashkil qiladi.
