Myunxenning “Bavariya” klubi “Real” yarim himoyachisi Arda Gulerga qiziqish bildirmoqda. Bu haqda Defense Central xabar berdi.
Manbaga ko’ra, myunxenliklar rahbariyati madridliklarga o’yinchi ayirboshlashni taklif qilgan.
Qayd etilishicha, “Bavariya” Arda Gulerni 35 yoshli Tomas Myullerga almashtirmoqchi bo’lgan, biroq “Real” prezidenti Florentino Peres bu kelishuvga rad javobini bergan.
Ma’lumot uchun, Guler joriy mavsum klub safida jami 18 ta o’yinda maydonga tushib, bitta gol urdi va bitta golli uzatmani amalga oshirdi. Uning Transfermarkt’dagi narxi 45 million yevroga baholanmoqda.
