“Manchester Siti” bosh murabbiyi Pep Gvardiola jamoaning hozirgi holati va o’ziga bo’lgan ishonchni qaytarish uchun o’yin uslubini o’zgartirish zarurligi haqida fikr bildirdi.
“Bizni o’ynash uslubimiz qutqaradi! Biz oddiyroq harakat qilishimiz kerak. Ushbu sakkiz-to’qqiz yil ichida bizning kuchimiz to’pni nazorat qilishda bo’ldi. To’pni yo’qotganimizda esa umidsiz holatga tushib qolyapmiz. Bu paytda nihoyatda sabrli bo’lishimiz kerak.
Biz juda ko’p hujum qilamiz va ko’pincha buni noto’g’ri amalga oshiramiz. Biz to’pni yo’qotib qo’yib, ko’plab qarshi hujumlarni o’tkazib yuboryapmiz. Biz o’yinni soddalashtirishimiz kerak, shundagina jamoaga ishonch qaytadi”, – deydi Gvardiola.
Eslatib o’tamiz, Gvardiola 2016-yildan buyon “Manchester Siti”ni boshqarib kelmoqda. Hozirda “shaharliklar” APL turnir jadvalida 27 ochko bilan to’rtinchi o’rinda bormoqda.
