Kataloniyaning “Barselona” klubi Robert Levandovskining kelajagi borasida bir qarorga keldi.
Fabritsio Romano xabariga ko’ra, “ko’k-anorranglilar” rahbariyati 36 yoshli forvardning joriy mavsumdagi o’yinidan qoniqish hosil qilgan va unga to’liq ishonishda davom etmoqchi.
Qayd etilishicha, polshalik hujumchining shartnomasi avtomatik ravishda 2026-yilning yoziga qadar uzaytiriladi.
Ma’lumot uchun, Levandovski joriy mavsum barcha turnirlarda 20 ta o’yin o’tkazib, 22 ta gol urdi va 2 ta golli uzatmani amalga oshirdi. Uning Transfermarkt’dagi narxi 15 million yevroga baholanmoqda.
