Moskvaning SSKA klubi yarim himoyachisi, hamyurtimiz Abbosbek Fayzullayev o’zining Rossiyada qanchalik mashhurlikka ega ekanligi haqida gapirdi.
“Rossiyada xalqimiz legionerlarni yaxshi qo’llab-quvvatlaydi, ularga yaxshi munosabatda bo’ladi. Men O’zbekiston tomonidan doim qo’llab-quvvatlanayotganimni his qilaman.
Muxlislarimiz menga doimo ijobiy munosabatda bo’ladi. Men o’zimni Rossiyadagi eng mashhur o’zbek futbolchisidek his qilamanmi? Rossiyada – ehtimol. Men bunday mashhurlikka normal holat deb qarayman”, – deydi Fayzullayev.
Ma’lumot uchun, Fayzullayev o’tgan mavsum RPLda 22 ta o’yinda maydonga tushib, 4 ta gol urdi va 7 ta golli uzatmani amalga oshirdi. Uning moskvaliklar bilan tuzgan amaldagi shartnomasi 2026-yilning yoziga qadar amal qiladi.
