Italiya A Seriyasining 14-turida “Inter”ga qarshi o’yinda hushini yo’qotib, reanimatsiya bo’limiga yotqizilgan “Fiorentina”ning 22 yoshli yarim himoyachisi Eduardo Bove boshqa futbolga qaytmasligi mumkin. Bu haqda La Nazione xabar bermoqda.
Manbaga ko’ra, Boveda endi futbol o’ynay olmay qolish xavfi bor. Hozir u reanimatsiya bo’limidan kardiologiya bo’limiga o’tkazilgan. Aniq tashxis qo’yish uchun tekshiruvlar davom etmoqda.
Ma’lum qilinishicha, agar futbolchida yurak patologiyasi tasdiqlansa, bu vaqt o’tishi bilan yuzaga kelishi mumkin bo’lgan retsidivlarga duchor qiladi. Bu esa defibrilator implantatsiyasini talab qiladi.
Italiya sport tibbiyoti va kardiologiya bo’yicha milliy ko’rsatmalariga ko’ra, defibrilatorli sportchilar mashg’ulotlarda qatnashish uchun mos emas.
Ma’lumot uchun, Eduardo Bove joriy mavsum “Fiorentina” safida 15 ta o’yinda maydonga tushib, bitta gol urdi va 3 ta golli uzatmaga mualliflik qildi.
