“Manchester Siti” bosh murabbiyi Pep Gvardiola Rahim Sterlingning jamoaga qaytishi mumkinligi haqidagi savolga javob berdi.
Eslatib o’tamiz, vinger 2022-yilning yozida “Chelsi”ga ko’chib o’tgandi.
”U “Chelsi” futbolchisi. Bizga birga ishlaganimiz sabab unga nisbatan mehrimni his qilaman. Boshqa futbolchilarga ham xuddi shunday fikrdaman. Lekin u “Chelsi” futbolchisi.
Agar ilgari Gyundogan haqida so’raganingizda ham men uni “Barselona” futbolchisi deb aytgan bo’lardim. Shunday bo’lsada, Rahimga omad tilayman”, – deydi Gvardiola.
Ma’lumot uchun, avvalroq OAVda London klubi Sterlingni sotish niyatida ekanligi haqida xabarlar tarqalgandi. Hozirda angliyalik futbolchiga “Aston Villa” va “Yuventus” qiziqish bildirmoqda.
