PSJ darvozaboni Janluiji Donnarumma qishki transferlar oynasida jamoasini o’zgartirishi mumkin. Unga Yevropaning bir qancha klublari qiziqish bildirmoqda.
La Gazzette dello Sport xabariga ko’ra, Donnarumma ayni damda parijliklarning boshqa bir darvozaboni Matvey Safonov bilan rotatsiya fonida klubdagi kelajagi haqida bosh qotirmoqda.
Qayd etilishicha, Safonovning YChL doirasidagi “Bavariya”ga qarshi o’yinda (0:1) asosiy darvozabon sifatida tanlangani Janluiji Donnarumma va PSJ o’rtasidagi muzokaralarga ta’sir qilishi mumkin.
Ta’kidlanishicha, “Inter”, “Manchester Siti”, “Liverpul” va “Bavariya” italiyalik kiperning atrofidagi vaziyatni kuzatib bormoqda.
Ma’lumot uchun, Donnarummaning PSJ bilan tuzgan amaldagi shartnomasi 2026-yilga qadar mo’ljallangan. Uning Transfermarkt’dagi narxi 40 million yevroga baholanmoqda.
