Boks bo’yicha WBO, IBF, IBO va The Ring yo’nalishlari bo’yicha sobiq jahon chempioni Vladimir Klichko og’ir vazn toifasida amaldagi IBF kamari sohibi Daniel Dyubua bilan jang o’tkazish bo’yicha muzokara olib bordi. Bu haqda Daily Mail xabar bermoqda.
Manbaga ko’ra, Vladimir 22-fevral kuni Ar-Riyodda Dyubua bilan jang o’tkazishni rejalashtirgandi. Biroq, bu hafta muzokaralar to’xtab qolgan.
Qayd etilishicha, promouterlar Mayk Tayson va Jeyk Pol o’rtasidagi raqobatsiz jangga o’xshash qarama-qarshilikning takrorlanishiga yo’l qo’ymaslikka qaror qilgan.
Ma’lumot uchun, Klichko o’zining so’nggi janggini 2017-yilning aprel oyida o’tkazgan. O’shanda Vladimir Entoni Joshuaga qarshi ringga ko’tarilgan va 11-raundda texnik nokautga uchrab, mag’lub bo’lgan. Shundan so’ng esa u faoliyatini yakunlagan.
