Hozirda ijara asosida “Milan”da to’p surayotgan “Roma” hujumchisi Temmi Abraham mavsum oxirida yana Rimga qaytadi.
“Milan” 27 yoshli ingliz futbolchisini o’z safida doimiy ravishda qoldirish niyatida emas. Shuningdek, “Roma” ham uni sotib yuborishga harakat qilmoqchi.
Ma’lumot uchun, Abrahamning “bo’rilar” bilan tuzgan amaldagi shartnomasi 2027-yilning yoziga qadar amal qiladi.
