Germaniyaning Gamburg shahrida navbatdagi professional boks kechasi tashkil etildi.
Biz uchun ahamiyatlisi, Universum Box Promotion promouterlik kompaniyasi tomonidan o‘tkazilgan prof boks oqshomi doirasida hamyurtimiz Shohjahon Abdullayev ham ringga ko‘tarildi.
Og‘ir vazn toifasidagi charm qo‘lqop ustamizga Bosniya va Gersegoviniya vakili Jamal Bosnyak raqiblik qildi. Olti raundga mo‘ljallangan jang to‘liq davom etdi va unda hakamlarning yakdil qarori (60-53, 60-53, 60-53) bilan Abdullayev g‘alaba qozondi.
Ma’lumot uchun, Shohjahon Abdullayev prof ringda 3 ta o‘tkazib, barchasida g‘alaba qozongan. Ikkita jangida raqiblarini muddatidan avval mag‘lub etgan. Bosnyak esa professional boksda 7 g‘alaba, 8 mag‘lubiyat va 1 durang natija qayd etgan.
