“Manchester Siti” bosh murabbiyi Pep Gvardiola 2025-yilning yanvarigacha klubdagi kelajagi borasida bir qarorga kelishi kutilmoqda. Bu haqda ESPN xabar berdi.
Eslatib o’tamiz, ispaniyalik mutaxassis va “shaharliklar” o’rtasidagi amaldagi kelishuv kelasi yilning yozida yakuniga yetadi.
Manbaga ko’ra, “Manchester Siti” rahbariyati Gvardiolaning kelajagi borasidagi noaniqlik jamoani mavsum yakunida sovrinlar uchun kurashdan chalg’itishidan xavotirda.
Qayd etilishicha, ispaniyalik mutaxassisning o’zi ham klubning ushbu pozitsiyasiga qarshi emas.
Ma’lumot uchun, “Manchester Siti” rahbariyati Gvardiola o’rniga “Bayer” bosh murabbiyi Xabi Alonsoni olib kelish variantini ko’rib chiqmoqda.
