Myunxenning “Bavariya” klubi 2025-yilda Xavi Simonsni o’z tarkibiga qo’shib olishga harakat qiladi.
Ushbu mavsum oralig’ida 21 yoshli futbolchining myunxenliklar safiga transferi amalga oshmay qoldi. PSJ yarim himoyachini “Leypsig”ga ijaraga berdi.
Florian Plottenbergning xabariga ko’ra, “Bavariya” hali ham Simonsga jiddiy qiziqish bildirmoqda va uning 2025-yildagi ehtimoliy transferini muhokama qilgan.
Qayd etilishicha, 2024/2025-yilgi mavsumdan keyin Simonsning parijliklar bilan tuzgan shartnomasi yakunlanishiga ikki yil qoladi, bu esa uning narxini pasaytirishi mumkin.
Eslatib o’tamiz, Xavi 2023/2024-yilgi mavsumni ham aynan “Leypsig”da ijarada o’tkazgan.
