Saudiyaning “Al-Hilol” klubi hujumchisi Neymarning agenti Pini Zaxavi mijozining kelajagi haqida gapirdi.
“Neymarning “Al-Hilol”ni tark etishi borasida muzokaralar olib borilmayapti. Uning shartnomasi bor va u o’z klubida baxtli.
Men va Neymarning otasi uning kelajagi haqida gapira oladigan yagona odamlarmiz. Oxirgi mish-mishlar qayerdan paydo bo’lganini bilmayman”, – deya Zaxavining so’zlarini keltiradi Fabritsio Romano.
Eslatib o’tamiz, avvalroq Neymar o’zining sobiq jamoasi “Santos”ga qaytishi mumkinligi haqida xabarlar tarqalgandi.
Ma’lumot uchun, 32 yoshli hujumchi joriy mavsum ikkita o’yin o’tkazdi. Uning riyodliklar bilan tuzgan amaldagi shartnomasi 2025-yilning yozida yakuniga yetadi.
