Rimning “Roma” klubi hujumchisi Eldor Shomurodov jamoasining bo’lajak o’yinlarida maydonga tusha olmaydi.
Eslatib o’tamiz, Eldor JCh-2026 saralashi doirasidagi Qatarga qarshi bahsda jarohat olib, maydonni erta tark etgandi.
Shomurodov Rimga qaytganidan so’ng tekshiruvdan o’tdi. Shifokorlar qo’ygan tashxisga ko’ra, hamyurtimiz uch haftaga safdan chiqdi.
Bundan ko’rinadiki, Shomurodov “Roma”ning “Napoli”, “Atalanta” va “Tottenhem”ga qarshi o’yinlarini o’tkazib yuboradi.
Ma’lumot uchun, Eldor 7-dekabr kuni bo’lib o’tadigan “Lechche”ga qarshi bahsda maydonga qaytishi mumkin.
