“Real”, “Beshiktosh”, “Portu” va Portugaliya terma jamoasining sobiq markaziy himoyachisi Pepe 41 yoshida faoliyatini yakunlaganini e’lon qildi.
Uning so’nggi jamoasi “Portu” bo’lib, ushbu klub safida 2019-yildan 2024-yilgacha to’p surdi. Shuningdek, Pepe 2004-yildan 2007-yilgacha ham ushbu klub tarkibida faoliyat yuritgan. Bu davr ichida u 288 ta uchrashuvda maydonga tushib, 17 ta gol va 11 ta golli uzatmaga mualliflik qilgan.
Pepe 2007-yildan 2017-yilgacha Madridning “Real” klubida o’ynagan. “Qaymoqranglilar” tarkibida jami 334 ta o’yinda maydonga tushib, 15 ta gol va 20 ta golli uzatmaga mualliflik qilgan.
41 yoshli sobiq himoyachi Portugaliya terma jamoasi safida 141 ta o’yin o’tkazib, 8 ta gol urishga muvaffaq bo’lgan.
