“Manchester Siti” bosh murabbiyi Pep Gvardiola klub bilan shartnomasini 2026-yilgacha uzaytirish borasida kelishuvga erishdi. Bu haqda Football Insider xabar bermoqda.
Manbaga ko’ra, tomonlar o’rtasidagi muzokaralardan so’ng bitim deyarli yakunlangan. Tez orada Gvardiolaning “shaharliklar” bilan shartnomasini uzaytirgani haqida rasman e’lon qilinadi.
Ma’lumot uchun, Pep 2016-yildan buyon Manchester klubida ishlab kelmoqda. Uning amaldagi shartnomasi 2025-yilning yoziga qadar mo’ljallangan.
53 yoshli mutaxassis qo’l ostida jamoa 6 marta Angliya chempioni bo’ldi va bir marotaba Chempionlar ligasida zafar quchdi.
