“Real”, PSJ va Kosta-Rika terma jamoasi sobiq darvozaboni Keylor Navas faoliyatini “Nyuells Old Boyz”da davom ettiradi. Klub matbuot xizmati transferni rasman e’lon qildi.
Manbaga ko’ra, tomonlar 2026-yilning yoziga qadar mo’ljallangan shartnoma imzolagan.
Eslatib o’tamiz, Navasning so’nggi klubi PSJ bo’lib, u 2019-yilda “Real”dan ko’chib o’tgandi. Bu davr mobaynida u barcha turnirlarda 115 ta o’yinda maydonga tushib, 52 tasida o’z darvozasi dahlsizligini saqlab qolgan.
